اسلام آباد۔03 اګست(اے پی پی) وزیراعظم شهباز شریف وئيلي دي چې وخت راغلې چې مونږ ټول په ګډه قامي يووالي او مشاورت سره پاكستان د پرمختګ په لاره روان كړؤ٬ هېواد او قامي پرمختګ له ګرانۍ پرېكړې كول وي٬ كه په تېر وخت كښی زمونږ حكومت ختم كړے شوے نه وے نو د هېواد پرمختيائي منصوبې به سر ته رسېدلې وې٬ بهاره كهو منصوبې سره به اولس ته زياتې آسانۍ ترلاسه شي٬ موجوده سپه سالار د هېواد پرمختګ او د اولس خېر ښېګړې له هر وخت فعاله پاتې كېږي٬ بهاره كهو منصوبه د 9 مياشتو په لنډه موده كښې ترسره شوه۔ د دې خيالاتو څرګندونه ده د زيارت په ورځ د بهاره كهو منصوبې پرانستې دستورې ته خطاب كښې وكړه۔ په دستوره كښې د اطلاعاتو او خپرونو وفاقي وزيرې مريم اورنګزېب ٬ پخواني وفاقي وزير ډاكټر طارق فضل چوهدري ٬ د مسلم ليګ (نون) لارښود حنيف عباسي ٬ ملك ابرار ٬ انجم عقيل خان ٬ ډي جي اېن اېل سي مېجر جنرل فرخ ٬ د سي ډي اے چيئرمېن نور الامين مېنګل ٬ نورو اعلی چارواكو او ګڼ شمېر عام وګړو ګډون وكړو۔ وزيراعظم ووئيل په ګرد هېواد كښې ګليات ٬ مري او آزاد كشمير لپاره ټرېفك بهاره كهو څخه تېرېږي كوم چې څو څو ساعته ولاړ پاتې كېږي۔ دا منصوبه چې څومره هم زر ترسره شوې وې نو ښه به وه۔ وزیراعظم ووئيل سره د ټولو ستونزو د پاك پروردګار په فضل دا منصوبه په 9 مياشتو كښې سر ته ورسېده۔ ده ووئيل دې سره به په دې لاره د ټرېفك مسئلې ختمې شي ٬ پېسه او وخت به بچ شي او دې سره به د ماحولياتو صورتحال هم ښه شي۔ وزیراعظم د منصوبې په بشپړ كېدو اولس ته مباركي وركولو سره ووئيل دا منصوبه د نواز شريف وژن وو۔ ده ووئيل د يو سازش د لارې د هغه حكومت كه ختم كړے شوے نه وو نو دا منصوبې به څو كاله وړاندې بشپړ شوې وې۔ ده ووئيل انسان چې كله اراده وكړي او مقصد يۍ نېك وي نو پاك پروردګار د هغه مرسته كوي۔ وزيراعظم د منصوبې په بشپړ كېدو د سي ډي اے چيئرمېن نور الامين مېنګل ته شاباشې وركولو سره ووئيل ده په تېر وخت كښې هم د اولسي نوعيت منصوبې ترسره كړې دي۔ وزيراعظم ووئيل اېن اېل سي په بهاره كهو منصوبه كښې زياتې خوارۍ او ستړو سره كار كړې۔ ده د اېن اېل سي ډي جي مېجر جنرل فرخ ٬ د هغه د ډلې ٬ د حنيف عباسي او د طارق فضل چوهدري د هڅو هم ستائنه وكړه۔ وزیراعظم ووئيل په دې منصوبه 74 زره اونې نال كړې شوي دي او دا شمېره به لا زياتولې شي۔ ده ووئيل د اسلام آباد د مشرتابه او ملګرو مننه كوم كومو چې په دې منصوبه كښې د خپلې برخې كردار ترسره كړې دې۔ وزيراعظم ووئيل د جنرال پروېز مشرف په دور كښې مونږ سخت وخت څخه تېر شوو۔ ده ووئيل مونږ ټولو له به ددې هېواد خيال ساتل وي۔ وزيراعظم د حوېلی بهادر شاہ منصوبې ذکر كولو سره ووئيل په منصوبه د لګښت تخمينه 70 اربه روپۍ وه ٬ منصوبې له په كال 2019 كښې بشپړ كېدل وو۔ بيا څلور كاله دغه منصوبه بنده پاتې شوه چې ورسره د لګښت تخمينه يو په دوه شوه۔ په دې منصوبه ضائع شوې 70 اربه روپۍ د لكھونو په شمېر كوچنيانو په زده كړو ٬ روغتيا او روزګار مصرف كېدې شوې۔ په دې پوهنتونونه ٬ روغتونونه او 4،5 پی کے اېل آئی نور جوړېدې شول۔ دا يو مثال دے چې هېواد ته زيان څنګه رسولې شوې دې۔ ده ووئيل نن وخت دے چې مونږ ټول پاكستان په ګډه مخ په وړاندې روان كړؤ۔ ده ووئيل كه مونږ پرېكړه وكړه نو په يو څو كلونو كښې به مونږ هغې كچې ته ورسو كومې ته چې پاكستان د 1990 په لسيزه كښې رسېدلې وو۔ دستورې ه ته خپل خطاب كښې پخواني وفاقي وزير طارق فضل چوهدري ووئيل په تېرو 15 مياشتو كښې چې په اسلام آباد او ګرد هېواد كښې څومره پرمختګ شوے پاك پروردګار ګواه دې په تېر وخت كښې دومره نه دے شوے۔ ده ووئيل د وزيراعظم شهباز شريف په مشرۍ كښې په دې مهال ريكارډ منصوبې بشپړ كړې شوې۔ د دې ښار په تاريخ كښې په اولني ځل د 200 اربه روپو منصوبې پېل كړې شوې په كومو كښې چې 90 فيصده بشپړ كړې شوي دي۔ ده ووئيل وزيراعظم د وفاقي پلازمينې كلي والو سيمو ته خاص پام وګرځولو په دې مونږ د كلي والي سيمو اولس لخوا د وزيراعظم مننه كوؤ۔ دستورې ته د مسلم ليګ نون لارښود حنيف عباسي هم خطاب وكړو۔ ده ووئيل د هېواد د زر مبادله پنګې 15 اربه ډالرو ته رسېدلې دي كومې چې د وزيراعظم د هڅو او ستړو عكاسي كوي۔ ده ووئيل 75 كاله پس په اسلام آباد كښې د پبلك ټرانسپورټ آسانۍ اولس ته وركولې شي۔ چين څخه به 107 الېکټرک بسونه ډېر زر پاكستان ته راورسي۔ دستورې ته د سي ډي اے چيئرمېن نور الامین مېنګل خپل خطاب كښې ووئيل كلي والو سيمو لپاره د 20 اربه روپو پرمختيائي منصوبې پېل كولې شي۔ ده په خپل خطاب كښی په اسلام آباد كښې د بېلو منصوبو نه علاوه د ماحولياتو څانګې بهترۍ له او اولس ته نورې آسانۍ وركولو له د سي ډي اے په اقداماتو رڼا واچوله۔
هېواد او قامي پرمختګ لپاره ګرانۍ پرېكړې كول وي٬ كه په تېر وخت كښی زمونږ حكومت ختم كړے شوے نه وے نو د هېواد پرمختيائي منصوبې به سر ته رسېدلې وې٬ د وزيراعظم د بهاره كهو بائي پاس پرانستې دستورې ته خطاب
مضمون کا ماخذ : آن لائن لاٹری ویب سائٹ
متعلقہ مضامین
