اسلام آباد 10 جولائي (اے پي پي) صدر مملکت ډاکټر عارف علوي د لوي آختر مبارکې او خوشحالۍ په موقع ټول پاکستاني قام او د نړۍ مسلمانانو له مبارکي وركړې ده۔ د لوي آختر په موقع د قام په نامه خپل پيغام كښې ده ووئيل لاس په دعا يو چې د پاکستانيانو او ټولو مسلمانانو عبادات، حج او قربانۍ قبول شي۔ صدر مملکت ووئيل لوے آختر مونږ ته د لوے څښتن په امر د حضرت ابراهيمؑ او حضرت اسماعيلؑ د تسليم او رضا ياد تازه كوي، دا عظيم شخصيات چې كله لوے څښتن امتحان كښې واچول نو دواړو د لوے څښتن امر اومنلو۔صدر مملکت ووئيل لوے څښتن ته د هغوي دا جذبه دومره خوښه شوه چې تر قيامت ورځ ايمان لرونكو لپاره ئې د عبادت په حيث لازم ګرځولې، د قربانۍ دا عبادت د لوے څښتن په بارګاه كښې د مومن د اړخه د دې عزم څرګندونه ده چې د هغه په لاره د لوئ نه لوئ قربانۍ او ايثار لپاره هر وخت چمتو دې۔ ده ووئيل د قربانۍ او ايثار دا جذبه آفاقي تاثير لري،نړۍ كښې كوم هم قام تر هغه وخت پرمختګ نه شي كولې تر څو چې د ايثار او قربانۍ جذبه نه وي۔ ډاکټر عارف علوي ووئيل قرباني يواځې د ذبح کولو نامه نه ده د دې اصل مقصد نفساني خواهشات د اعليٰ مقاصد ترلاسه كولو لپاره قربان كول دي، دا جذبه په انسان كښې داسې صلاحيت پيدا كوي چې له امله ئې لوئ نه تر لوئ مشکل صورتحال كښې هم د لاري څخه نه شي اخوا كولې۔ده ووئيل هېواد چې په معاشي لحاظ سره كوم مشکل حالات سره مخ دې په دې كښې مونږ له د ايثار او قربانۍ په شان جذبات کارولو ته اړتيا ده،د لوئ آختر په موقع به ټول پاکستانيانو له د دې عزم پخلې كول وي چې ذاتي ګټو ، حرص، طمع او لالچ او خود غرضۍ په ځائې مينې ٬ ورورولۍ ، ايثار او خواخوږۍ سره به خپل خوا او شا كښې د حاجتمندو او بې وسه مرسته كوو
په سخته معاشي وضعه كښې مونږ له د ايثار او قربانۍ په شان جذبات کارولو ته اړتيا ده۔ صدر ډاکټر عارف علوي د لوي آختر په موقع پيغام
مضمون کا ماخذ : ٹمپل ٹمبل
متعلقہ مضامین
