فیصل آباد۔ 03 ستمبر (اے پی پی) وزیراعظم محمد نوازشریف آکھے جو ملک کو ںتوانائی اتے معاشی بحراناں نال نبڑنڑ سانگے قدم نہ چاونڑ تے گزریل حکومتاں دا احتساب ہونڑاں چاہیدے ،جیندی وجہ توں قوم ان??ھاریاں اچ بڈی رہی ہے ۔ بنیادی ڈھانچے دے نال نال دہشت گردی کوں مکاونڑ دی جنگ لڑ دے پئے ہئیں ۔ پی آئی اے کوں عالمی معیار دی ہوائی کمپنی بنڑیسوں ، خسارے اچ چلنڑآلے اداریاں کوں آپنڑیں پیریں دے کھڑ ا کریسوں ،بجلی بحران 2018اچ مکا ڈیسوں ، سستی بج??ی نال زراعت دا شعبہ ترقی کریسی ۔ سیاسی عدم استحکام اتے پالیسیوں دے عدم تسلسل پاروں اساں پچھوں رہ گئے ہاسے ، اج ولا معیشت ب??ال تھیندی پئی ہے ، ملک کوں ان??ھاریاں اچ رکھنڑ آلے آمر کوں لوکیں دے سامنڑیں جواب ڈیونڑاں پوسی ۔ ودھ بل کوں مکاونڑ سانگے موبائل الیکٹرانک میٹرنگ دا نظام متعارف کرواڈتا گئے ۔ پاکستان اچ سرمایہ کاری ڈیکھ تے میڈا ہاں خوش تھیندے ۔ اے گالہیں انہاں چھنڑ چھنڑ کوں فیصل آباد اچ ستارہ کیمیکلز انڈسٹریز لمیٹیڈ ولوں 40میگاواٹ دے 3ارب روپے دی لاگت نال لائے گئے کول بج??ی منصوبے دے افتتاح دے موقعے تے الیندے ہوئیں آکھیاں۔ وزیر اعظم آکھیاں جو سرکاری شعبے دے نال نال نجی شعبے اچ سرمایہ کاری نال پاکستان اچ خوشحالی آمسی ۔ کجھ سال پہلے گھریلو، کمرشل اتے صنعتاں کیتے بج??ی دستیاب کائناں ہئی ، لوگ بج??ی کوں ترسدے ہن ۔ روزانہ 16توں 18 گھنٹے بج??ی دی لوڈ شیڈنگ تھیندی ہئی ، اج پورے ملک دی صنعت کوں بغیرتعطل دے بج??ی تے گیس مل سکتی ہے،3 سال اچ اے وڈی تبدیلی آئی ہے۔وزیراعظم آکھیا جو اللہ دا کرم ہے جو مختصرمدت اچ ایں صورت??ال نال نبڑیا وی??دا پئے ، 2018ء پاکستان اچوں لوڈشیڈنگ کوں مکاونڑ دا سال ہوسی ۔ اساڈا مقصد صرف بج??ی دی قلت یا بحران کوں مکاونڑ نہیں جڈانجو بج??ی کوں سستا کرنڑ وی ہے ، تانجو مصنوعات دی لاگت گھٹ توںگھٹ کر تے اساں عالمی منڈیاں اچ مقابلہ کرسگوں ، ایندے نال برآمدات ودھسن ، ریونیو ودھسی ، جیندے نال پاکستان اچ روزگار، تعلیم ، صحت دیاں سہولتاں ملسن۔ وزیر اعظم آکھیا جو جیکر بج??ی ہی کائنی تاں ان??ھارے اچ کیا ترقی ہوسی ۔ انہاں آکھیا جو 1997ء اچ موٹروے جتھاں تئیں پجائی ہئی ایندے اچ ودھارا کائنی کیتا گیا۔ ایں کوں گوادر، کراچی ونجنڑاں ہئی ۔ اوکھی گالھ اے ہے جو ایندے اچ ودھارا کائنی کیتا گیا۔ اساڈا تریجھا سال پورا تھئے ، لہور ، ملتان، ملتان سکھر م??ٹروے دی تعمیر شروع تھی گئی ہے ۔ وزیراعظم آکھیا جو 1999 ء اچ جنوبی ایشیاء اچ اساں ساریاں توں اگوں ہاسے ، پاکستان ہنڑ ولا ایں رستے تے ٹردا پئے ۔ اج کرنسی مستحکم ہے، معیشت چنگی تھیندی پئی ہے ، بج??ی دے منصوبیاں تے کم جاری ہے ، اساڈی حکومت نیلم جہلم پن بج??ی منصوبے تے کم دی رفتار کوں تیز کیتے، پورٹ قاسم، حب اتے پنجاب اچ کئی منصوبیاں تے کم جاری ہن ، کوئلہ، پانڑیں، سولر، اتے ہوا نال بج??ی دی پیداوار دے منصوبے لگدے پئے ہن ۔ انہاں آکھیا جو ستارہ کیمیکلز کوں منصوبیاں اچ بھرپور معاونت کریسوں۔ انہاں مردان اچ ہک ڈینھ پہلے دہشت گردی دے حملے اچ شہید تھیونڑآلے لوکیں کیتے دعاکیتی۔ ۔
وزیراعظم محمد نوازشریف دا فیصل آباد اچ ستارہ کیمیکلز انڈسٹریز لمیٹیڈ ولوں 40میگاواٹ دے 3ارب روپے دی لاگت نال لائے گئے کول بجلی منصوبے دے افتتاح دے موقعے تے خطاب
مضمون کا ماخذ : لوٹومینیا اکومولڈا
متعلقہ مضامین
