اسلام آباد۔21فروری(اے پی پی)خارجه وزير مخدوم شاه محمود قريشي وئيلي دي چي د چيلنجونو باوجود د پاکستان حکومت د ماشومانو په اړه د پائيداره پرمختيائي اهدافو ترلاسه کولو په مکمله توګه عزم لري۔د خارجه دفتر وياند لمخې دا خبره هغه د يونيسېف اېګزېكټو ډائرېكټر كېتھرين رسل سره خبرو كښې وكړه چا چې خارجه وزير سره د ګل په ورځ خارجه وزارت كښې ملاقات وكړو۔ خارجه وزير د يونېسف د اېګزېكټو ډائرېكټر په حېث د ذمه وارو په سنبالولو كېتهرين رسل ته مباركي وركولو سره ووئيل مونږ د ګردې نړۍ كوچنيانو لپاره د يونيسيف د مهم كار بشپړه ملاتړ كوؤ۔ پاكستان د كوچنيانو د حقونو حوالې سره په نړيواله كچه د يو مهم غږ په توګه پېژندلې شي۔ د پرمختګ كوؤنكي هېواد په حېث پاكستان د كوچنيانو د حقونو تحفظ حوالې سره يو شمېر چېلنجونو سره مخ دے خو د دې باوجود د پاکستان حکومت د ماشومانو په اړه د پائيداره پرمختيائي اهدافو ترلاسه کولو په مکمله توګه عزم لري۔شاہ محمود قرېشی ووئيل پاكستان د كوچنيانو د حقونو تحفظ له بېل قانوني ٬ پالېسي او اداره جاتي ګامونه پورته كړې دي۔ د كوچنيانو د حقونو تحفظ باوري كولو له يو آزاد كمېشن جوړ كړې شوې دې۔ حكومت په سكولونو كښې د كوچنيانو د داخلې شرح زياتولو له پرله پسې هڅې كوي ٬ مونږ په دې لړ كښې د يونېسېف د مرستې مننه كوؤ۔ خارجه وزير پاكستان كښې د كوچنيانو حفاظتي ټيكو په لړ كښې د يونېسېف مرسته ستائلو سره ووئيل د کرونا وبا مخنيوي لپاره د يونيسېف مرسته د ستائنې وړ ده۔ شاہ محمود قرېشی ووئيل په جموں وكشمير كښې بشري صورتحال او د كوچنيانو او مېرمنو د بشري حقونو پرله پسې خلاف ورزي د اندېښنې وړ ده۔ د افغانستان استحكام لپاره د بشري او معاشي بحران مخنيوې زيات ضروري دے۔ هغه ووئيل مونږ د افغان اولس د فوري انساني مرستې په لړ كښې د ملګرو ملتونو د عمومي سېكتر د لارښودنې كردار اعتراف كوؤ بياهم د بشري خواخوږۍ دا هڅې به تر هغه وخت پائيدارې نه وي تر كومې افغان بېنكنګ چېنلې بحال شوې او بهر هېوادونو كښې د افغان اولس اثاثې ريليز كولو له ګامونه پورته كړې شوې نه وي۔ مخدوم شاه محمود قریشي ووئیل، پاکستان په افغانستان کښې د بشري او اقتصادي بحران پايې ته رسولو سره سره په افغانستان کښې د تلپاتې ثبات لپاره هر ډول هڅې کوي۔ پاكستان د بشري مرستې نقل وحركت ٬ د ملګرو ملتونو آپرېشنز ٬ د نړيوالې مالياتي ادارو ٬ اېن جي اوز او نورو مرستې لپاره د بشري خواخوږۍ راهداري فعاله كړې ده۔ هغه ووئيل مونږ د نړيوال مسؤليت همكارۍ اصولو لمخې په پاكستان كښې افغان كډوالو لپاره د يونېسېف لخوا مرستې ته سترګې په لاره يؤ
پاکستان سره د چيلنجونو ماشومانو له د پائيداره پرمختيائي اهدافو ترلاسه کولو عزم لري۔د مخدوم شاه محمود قرېشي د يونيسېف اېګزېكټو ډائرېكټر كېتھرين رسل سره خبرې
مضمون کا ماخذ : سانتا کی جنگلی سواری۔
متعلقہ مضامین
.jpg)
