اسلام آباد۔10اکتوبر(اے پی پی) وزيراعظم شهباز شريف د ماحولياتي بدلون معامله په فعاله توګه په وړاندې كولو د ملګرو ملتونو د ماحولياتي بدلون او ستونزو هواري تنظيم سي او پي – 27 دوهم صدر ټاكلے شوے دے٬ د ملګرو ملتونو په 195 هېوادونو كښې د پاكستاني وزيراعظم د دې منصب لپاره ټاكنه يو لويې نړيوال درناوې دې۔ د ګل په ورځ د وزيراعظم آفس ميډيا ونګ لخوا د جاري شوي بيان له مخې وزير اعظم به د ناروے وزيراعظم او د مصر اولس مشر سره په ګډه د (سي – او – پي – 27) غونډې مشري كوي۔ دا غونډه به په شرم الشېخ ٬ مصر كښې د نومبر 6 مې نه تر 18 مې نېټې دوام لري۔ دا خبره دې ښكاره وي چې دا وخت د سي او پي -27 مشري مصر كوي۔ د مصر اولس مشر عبدالفتاح السيسي وزيراعظم شهباز شريف ته د سي او پي 27 مې غونډې د ګډې مشرۍ كولو بلنه وركړې ده۔ وزيراعظم شهباز شريف ته د ماحولياتي بدلونونو په اړه د مؤثره غږ په پورته كولو دا منصب وركړے شوے دے۔ د اوسني سېلاب نه وروستو وزيراعظم د اېس سي او د مشرانو او د ملګرو ملتونو د عمومي اسمبلۍ په 77 مه غونډه كښې هم په دې اړه بشپړه غږ پورته كړے وو۔ د ماحولياتي بدلونو مسئلې د اېس سي او تنظيم په كچه د پورته كولو په اړه د وزيراعظم شهباز شريف د وړاندېز نورو هېوادونو تائيد كړے وو۔ دا خبره دې ياده وي چې د شنګھائی مرستې تنظیم د مشرانو او د حكومت كونسل غونډه د تېرې ستمبر مياشتې په 15 مه او 16 مه نېټه سمرقند كښې شوې وه۔
پاكستان لپاره نړيوال درناوې٬ وزيراعظم شهباز شريف د سي او پي27 دوهم صدر وټاكلے شو
مضمون کا ماخذ : جیتنے والی لاٹری
متعلقہ مضامین
.jpg)
