اسلام آباد۔7ستمبر(اے پی پی) د پاکستان هوايي ځواک په ټول هېواد کښې په خپلو ټولو هوايي اډو د ستمبر اوومه د شهیدانو ورځې په توګه ولمانځله۔ د ورحې پېل د كال 1965 او 1971 جنګونو شهيدانو او هغه ټولو وګړو لپاره خصوصي دعا او قرآن خوانۍ څخه وكړې شو كومو چې د پاكستان د جوړېدو راهیسې د وطن ساتنې له د خپل ژوند قرباني وركړې ده۔ د پاك هوائي ځواك مشر ايئر چيف مارشل ظهير احمد بابر سدھو په ايئر هېډكوارټرز اسلام آباد كښې د شهيدانو ورځې مناسب سره تابيا كړې شوې دستوره كښې خاص مېلمه وو۔ په دې موقعه خپل خطاب كښې ده ووئيل د پاك هوائي ځواك تاريخ د بلها قربانيو او د زړورتيا او پېشه ورانه پوهې ځانګړي داستانونه څخه ډك دے۔ ده هېواد لپاره د پاكستاني ځواكونو د سترې قربانۍ د جذبې ستائنه كولو سره د شهيدانو ورځ د بې مثاله زړورتيا او غوره پېشه ورانه صلاحيت عكاس وګرځوله۔ په دې موقعه د پاك فضائيه د شهيدانو د زړورتيا او كارنامو ستائنه كولو سره ايئر چيف ووئيل مونږ د خپلو اتلانو مننه كوؤ كومو چې زمونږ د راتلونكو نسلونو لپاره د قربانۍ اعلیٰ مثال قائم كړو۔ په دې موقعه مونږ هغه ټولو اتلانو ته د زړه له كومي د عقيدت پېرزوينې ډالۍ كوؤ كومو چې ګران هېواد لپاره ځانګړې قربانۍ وركړې۔ ده په دې موقعه د خپلواكۍ حق ترلاسه كولو لپاره ستړې او هڅې كوؤنكو خپلو كشميري وروڼو خوېندو سره هم د يووالي څرګندونه وكړه۔ په خپلو اختتامي ټكو كښې ده نوې نړيواله منظر نامه نظر كښې نيولو سره د پاكستان پرمختګ او سوكالۍ لپاره د هر ممكن كردار ترسره كولو لوظ تكرار كړو۔ ده د دې عزم څرګندونه هم وكړه چې پاك هوائي ځواك به د خلايي، الېکټرانک وارفیئر او سائبر ټېکنالوجی په څانګو كښې مخ په وړاندې تللو او د عصري ټېكنالوجيز ترلاسه كولو سره سره ځائي دفاعي صلاحيتونو ته وده وركولو له هم خپلې هڅې روانې ساتي دغسې چې د پاكستان د خپلواكۍ او سيمه ايزې سلامتيا تحفظ باوري كړې شي۔ وروستو ده شهيدانو ته د عقيدت پېرزوينې وړاندې كولو له د شهيدانو په يادګار د ګلونو څادر خپور كړو او فاتحه خواني يۍ وكړه۔
پاك هوائي ځواك په ګرد هېواد كښې په ټولو ائير بېسز د ستمبر اوومه د شهيدانو ورځې په توګه ولمانځله
مضمون کا ماخذ : loteria Ceará
متعلقہ مضامین
