اسلام آباد 07 مئی (اے پی پی) د وزیراعظم فوكل پرسن ډاكټر فیصل سلطان ووئيلي دي د كورونا وائرس رنځورانو شميره زياتيدو لويه وجه زيات ټیسټونه كول دي،تيرو 24 ساعتو په مهال مونږ 10 زره تسټونه كړي۔ ده ووئيل كورونا وائرس تندۍ سره د خپريدو په لحاظ د نورو هيوادونو په نسبت زمونږ صورتحال ښه دے ، د ګاونډيانو هيوادونو په نسبت هم د پاكستان صورتحال ښه دے۔ ډاكټر فیصل ووئيل د هر هيواد د ناروغۍ خپريدو اندازخ او تږلاره كښې فرق وي، ځينې هيوادونو كښې دا وباﺀ د اور په شان خپره شوې چې په نتيجه كښې ئې ګڼ كسان مړه شوي خو زمونږ صورتحال ښه دے۔ده ووئېل په دې كښې هيڅ شك نشته چې دا رنځ زيات شوے او د دې له امله د مړو شميره هم زياته شوې خو كه مونږ د دې موازنه د نورو هيوادونو سره وكړو چرته چې دا وباﺀ تندۍ سره خپره شوې نو نن مونږ د هغه هيوادونو په نسبت ښه يو۔ ده ووئيل د دې هر ګز دا مطلب نه دے چې اوس نورو هڅو ته اړتيا نشته بلكه د ورځې په بنياد تجزیې كوو او د ورځې په بنياد صورتحال باندې نظر لرو،۔ ده ووئېل مونږ چې كومه ډيټا جمع كوو د هغې تر مخه د صورتحال جاج اخلو دغسې چې ښه ټكلاره ولټولې شي۔ ده ووئيل دا رنځ چې په نورو هيوادونو كښې څه ډول زياتيږي زمونږ صورتحال د هغې نه زيات ښه دے، د هغې مونږ ته دا ګټه رسېدلې چې تيرو څو اوونيو كښې مونږ له د خپل هيلته سسټم ښه كولو موقع په لاس راغلې ، په دې مهال د صحت په څانګه دباؤ زيات شوے او نور هم زياتيدې شي خو دا نشو وئيلي چې ناروغۍ كښې د زياتوالې په سوب د آسانيو كمې دے۔ده ووئېل څومره هم شميره چې مونږ راجمع كړې د هغې له مخې زمونږ سره وینټی لیټر، آكسیجن بیډ پوره دي۔ ده ووئيل وزیراعظم عمران خان چې څنګه وئيلي دي هره ورځ مونږ له د زدكړې موقع ده او د ورځې د شميرې په بنياد پريكړې كيږي خو دې سره سره په ټولو يوه مهمه ذمه واری راځې جې يوازې ډاكټران او پولیس څه هم نشي كولې بلكه مونږ ټولو له به خپلې ذمه وارۍ په انفرادی توګه هم ترسره كول وي
د وزیراعظم فوكل پرسن ډاكټر فیصل سلطان د كورونا وائرس صورتحال په اړه د خيالاتو څرګندونه
مضمون کا ماخذ : اضافی مرچ
متعلقہ مضامین
