اسلام آباد 26 اکتوبر (اے پي پي)د كورنيو چارو وفاقي وزير شېخ رشيد احمد وئېلي دي چې سياسي او عسكري مشرتابه يو موټې دي٬د نوې آئي اېس آئي ډي جي تعيناتۍ نوټيفيكېشن جاري كړې شوې٬ټولې ډنډورې ختمې شوې٬كالعدم ټي اېل پي سره د فرانسيسي سفير د انخلا د غوښتنې نه علاوه په نورو ټولو غوښتنو د رايو اتفاق لرو٬د هېواد او قوم ښه والي لپاره د ټي اېل پي لارښودو څخه د مثبت پريكړو هيله لرو٬مونږ په هېواد كښې په هر صورت كښې امن په ځاې ساتل غواړو۔د دې خيالاتو څرګندونه ده د نهې په ورځ پرېس كنفرنس ته د وېنا كولو په مهال وكړه۔د كورنيو چارو وفاقي وزير شېخ رشيد احمد وئېلي دي چې لېفټيننټ جنرل فيض حميد به تر 19 نومبر د آئي اېس آئي ډي جي وي٬ټولې ډنډورې ختمې شوي دي٬سياسي او عسكري مشرتابه يو موټې دي۔ده ووئيل چې وزيراعظم عمران خان كالعدم ټي اېل پي سره د مذاكراتو رپورټ وړاندې كړې٬په دې اړه په غونډه كښې اعلٰی عسكري او سول چارواكو ګډون كړې۔ده ووئيل چې كالعدم ټي اېل پي سره په ترسره شويو ټولو معاملاتو قائم يو۔د فرانسيسي سفير د انخلا د غوښتنې نه علاوه په نورو ټولو غوښتنو خبرې كېدې شي٬كالعدم ټي اېل پي ته د وعدې له مخې د نهې په ورځ تر 12 بجو د شپی دواړه اړخونه پرانستل پكار دي٬د كالعدم ټي اېل پي سره به د نهې په ورځ ماښام 8بجې او سهار 10 بجې يو ځل بيا رابطه كوم۔ده ووئيل چې د پاكستان په ضد د بندېزونو لګولو سازشونه كېږي٬د فرانسيسي سفارتخانې بندول او فرانسي سفير ويستلو سره پاكستان په نړيواله كچه ستونزو سره مخ كېدې شي فرانس اروپا ليډ كوي او ټول اروپائي هېوادونه د فرانس سره ولاړ دي٬د هېواد په ګټه كښې دې كالعدم ټي اېل پي د فرانس سفير د هېواد پرېښودو په پريكړه نظرثاني وكړي٬د هېواد او قام ښه والي لپاره د ټي اېل پي د لارښودو څخه د مثبتې پريكړې هيله لرم۔د كورنيو چارو وفاقي وزير ووئيل چې د كالعدم ټي اېل پي دا په مجموعي توګه شپږمه دهرنا ده٬ټي اېل پي د اكتوبر په 19مه نېټه كال 2021 د رسول پاك صلی الله عليه وآله وسلم د ولادت په ورځ دهرنا وركړې٬په هغه ورځ د وزيراعظم عمران خان په هدايت په حكومتي كچه د رسول پاك (ص)د ولادت ورځ په بشپړه انداز كښې لمانځلې كېده۔ده ووئيل چې د ناموس رسالت(ص)او په ختم نبوت باور نه بغېر مونږ مسلمان كېدې نه شو٬د ناموس رسالت(ص)تحفظ په مونږ فرض دے٬ما د ناموس رسالت(ص)په پارليمنټ هاؤس كښې تر ټولو وړومبې غږ پورته كړې٬په ناموس رسالت ما تر ټولو زيات زندان تېر كړی۔ده ووئيل چې د پاكستان اساس په لااله الاالله دے٬مونږ په هېوا كښې په صورت كښې امن په ځاې ساتل غواړو۔د ټي اېل پي چې څومره كسان نيول شوي هغوي په فورت شيډول كښې دي٬په دې معامله خبرې لپاره تيار يم
سياسي او عسكري مشرتابه يو موټې دي٬د نوې آئي اېس آئي ډي جي تعيناتۍ نوټيفيكېشن جاري كړې شوې٬ټولې ډنډورې ختمې شوې۔داخله وزير شېخ رشيد احمد پرېس كنفرنس
مضمون کا ماخذ : quina prêmio acumulado
متعلقہ مضامین
