اسلام آباد 20 اپريل (اے پي پي) د خزانې وفاقي وزير مفتاح اسماعيل وئيلي دي عمران خان په خپل دور كښې د 20 زره اربه روپو څخه زيا ت پور اخستر،يو خط زه هم ښكاره كول غواړم،دا خط د عمران خان د نااهلۍ ثبوت دے،تحريك انصاف پخپلحکومت كښې د سرکاري قرضوحجم 24953 اربه روپو څخه 42745 اربه روپۍ دغسې د مجموعي غيرملکي قرضو حجم 75.4 اربه ډالرو څخه 102.3 اربه ډالره ته رسولے، تجارتي خساره 43 اربه ډالره ده، د بې روزګاره كسانو شميره 35 لکهه څخه 95 لکهه ته رسيدلې،آئي ايم ايف سره ساتھ پروګرام به بيرته پيل كولې شي۔ د دې خيالاتو څرګندونه ده د شورو په ورځ د کابينې غونډې نه پس ميډيا ته بريفنګ په مهال وكړه۔وفاقي وزير ووئيل عمران خان مائنونه لګولي ، په ډيزل او پيټرول ئې ټيکس نه دے اخستے،عمران خان د شهباز شريف حکومت مشکل كښې اچولے ، پټرول آرزانول كومه مهرباني نه وه ځكه چې دا د اولس روپۍ دي۔مفتاح اسماعيل ووئيل 52 روپۍ په ډيزل سبسډي ده او 21 روپۍ په پټرول ده، اپريل كښې د سبسډي په لړ كښې 68 اربه روپۍ خرڅ كړې شوي، دا د پاکستان سويلين حکومت چلولوخرڅې څخه يو په دوه زياتې دې كومې چې مونږ دوامداره نه شو ساتلې، ده ووئېل په دې به وزيراعظم له پريكړه كول وي ، آئي ايم ايف سره چې زما ملاقات وشي بيا به څه وئيلے شم۔وفاقي وزير ووئيل يو خط ښكاره كول غواړم كوم چې د پي ټي آئي نااهلي او بدعنواني بيانوي، خط به ښكاره كوم بيا به ئې پټ ځان سره نه وړم، دغسې د خزانې وزير د پريس بريفنګ په مهال خط ښكاره كړو۔ ده ووئيل د تحريك انصاف حكومت 5575 اربه روپۍ خساره پرېښودې ، ن ليګ په خپل دور كښې بجټ خساره 1600 اربه روپۍ پرېښېې وه، عمران خان په 4 كاله كښې 20 زره اربه څخه زيات پور اخستر او مسلم ليګ ن 2 زره اربه روپۍ قرض اخستے ؤ، ده ووئېل عمران خان په څه كم څلورو كلونو كښې 4 زره اربه روپۍ د كال قرض اخستے ،هغه يو ډالر هم نه دې بيرته وركړے او د پور اخستو باجود ئې څه پرمختيائي كار هم نه دے كړے ، يو اسکول نه دې جوړ شوے ،عمران خان او بزدار يواځې بس تختۍ لګولې۔وفاقي د خزانې وزير ووئيل په دې نه يو پوهه چې د عمران خان حکومت زيات بدعنوانه ؤ يا نااهل، مونږ به بيعې كمې كړو ، ژاړو به نه ، پاکستان كښې به روپۍ مستحکمه کړو، د عمران خان په حکومت كښې په دويم كال منفي فيصد شرح نمو وه ، د څيزونو په موجوده وخت كښې ګراني 17.3 فيصد ده ، ده ووئېل د ټيکس محاصل 11 فيصده څخه په کميدو 9 فيصد ته راغلې۔مفتاح اسماعيل ووئيل عمران خان د كال قرض 900 فيصد زيات كړے ،يو کروړ 35 لکهه ماشومان په مفلسي كښې ژون كوي، ايکسپورټ ضرور زيات شوے خو ګراني هم زياته شوې ، ايکسپورټ څخه زيات امپورټ كښې اضافه شوې، ده ووئېل اېس اين جي پي ايل كښې دوه سوه اربه څخه زيات زيان شوے ، د ګيس سيکټر د دې څخه وړاندې كوم سرکلر ډيټ نه ؤ ، نن 15سوه اربه روپۍ سرکلر ډيټ د ګېس دے ۔وفاقي وزير ووئيل يوريا سره يو لکه 40 زره ټنه اسمګل شوې، د يوريا ايکسپورټ اجازه بايد نه وه وركړې شوې ،د عمران خان حکومت تير كال غنم بهر ليږي ، وزيراعظم په دې اړه سمدستي د پلټنو کمېشن جوړولو سپارښټنه كړې۔وفاقي وزير ووئيل د تحريك انصاف په حکومت كښې د سرکاري قرضو حجم 24953 اربه روپو څخه 42745 اربه روپۍ دغسې مجموعي غيرملکي حجم 75.4 اربه ډالره څخه 102.3 اربه ډالره ته رسيدلے ، روانو کھاتو خساره 20 اربه ډالره او تجارتي خساره 30.9 اربه ډالر څخه 43 اربه ډالره ته رسيدلې۔د خزانې وزير ووئيل د تحريك انصاف په حکومت كښې د بې روزګارۍ شميره 35 لکهه څخه 95 لکهه ته رسيدلې دغسې د غريبۍ كرښې څخه لاندې د ژوند كوونكو كسانو شميره شميره 55 څخه 75 ملين ته رسيدلې۔ ده ووئيل مالي كال 2017-18كښې د مجموعي قامي پيداوار(جي ډي پي) نمو شرح 6.1 فيصد وه كومه چې به كال 2021-22 كښې 4 فيصد ده، صارفينو لپاره د بيعو اشاريه (سي پي آئي) په مالي كال 2017-18كښې 3.9فيصد وه كومه چې په مالي كال 2021-22 كښې 10.8 فيصد ته رسيدلې، د بيعو حساس اشاريه (ايس پي آئي) كومه چې به مالي كال 2017-18 كښې 0.9 فيصد وه اوس په مالي كال 2021-22 كښې 17.3 فيصده ته راغلې۔ده ووئيل د خوراك څښاك څيزونو او افراط زربه مالي كال 2018 كښې 2.3 فيصده ؤ كوم چې په روان مالي كال 2022 كښې 10.2 فيصد ته رسيدلے ، مالي كال 2018 كښې د مالياتي خسارې حجم 2260 اربه روپۍ ؤ كوم چې به مالي كال 2022 كښې 5600 اربه ته رسيدلے ۔ده ووئيل به مالي كال 2018 كښې د جي ډي پي تناسب سره د ټيکسونو شرح 11.1 فيصد وه كوم چې په مالي كال 2022 كښې 9.1 فيصد ته راغلې، دغسې په مالي كال 2018 كښې د سرکاري قرضو حجم 24953 اربه روپۍ ؤ كوم چې به مالي كال 2022 كښې 42745 اربه روپو ته رسيدلے ، دغسې په 2018 كښې د سرکاري قرضونو اوسط د كال اضافي حجم 2132 اربه روپۍ ؤ كوم چې اوس په كال 2022 كښې 5083 اربه روپو ته رسيدلے ، ده ووئېل به 2018 كښې د مجموعي قرضو او واجبات اوسط د كال اضافه 2708 اربه روپۍ وه كومه چې 2022 كښې 6241 اربه روپۍ ده ۔ وفاقي کابينې ته ووئيل شول په 2017-18 كښې د غيرملکي قرضوحجم 75.4 اربه ډالره ؤ كوم چې به مالي كال 2022 كښې 102.3 اربه ډالر ته رسيدلے ، د مجموعي غيرملکي سرکاري قرضو اوسط د كال اضافه 2018 كښې 4.8 اربه ډالره وه كومه چې په كال 2022 كښې 7.7 اربه ډالر ته رسيدلې۔په مالي كال 2018 كښې د بې روزګارۍ شميره 35 لکهه وه كومه چې به مالي كال 2022 كښې 95 لکهه ته رسيدلې۔د خزانې وزير ووئيل به 2018 كښې سټيټ بينك سره د زرمبادله پانګو حجم 10 اربه ډالره ؤ كوم چې په 2022 كښې 10.8 اربه ډالرته پاتې شوے۔ده ووئيل به كال 2018 كښې ټرانسپيرنسي انټرنيشنل رينکنګ كښې پاکستان په 117م لمبر ؤ كوم چې په كال 2021 كښې 140م لمبر ته راغلے ، 2018 كښې د پاسپورټ رينکنګ كښې پاکستانے پاسپورټ په 104م لمبر ؤ او اوس په مالي كال 2022 كښې 109م لمبر ته تلے دے۔
عمران خان په خپل دور كښې 20 زره اربه روپو څخه زيات پور اخستے، مجموعي د غير ملکي قرضو حجم 75.4 اربه ډالرو څخه 102.3 اربه ډالره ته رسيدل ے۔،د خزانې وفاقي وزير مفتاح اسماعيل د کابينې غونډې نه پس ميډيا ته بريفنګ
مضمون کا ماخذ : خوش قسمت لڑکی
متعلقہ مضامین
